Thomas Bridges

 "நீ பாறையில் அடிக்கப்பட்டு, உன் உடல் அடுப்பில் வேக வைக்கப்பட்டிருக்கும்"

ஒரு முறை ஒரு பிரெஞ்சு நாத்திகர் பிஜி தீவுக்குச் சென்றார். அங்கே ஒரு பழங்குடி இனத் தலைவர் பைபிளைப் படித்துக்கொண்டிருந்தார். அதைப் பார்த்த அந்த வெள்ளையர், 

"நாங்கள் எல்லாம் என்றைக்கோ இந்தப் புத்தகத்தைப் பொய்யென்று தூக்கி எறிந்துவிட்டோம். நீங்கள் இன்னும் இதைப் படித்துக்கொண்டிருக்கிறீர்களா?" என்று ஏளனமாக கேட்டார்.

அதற்கு அந்தத் தலைவர், அருகில் இருந்த ஒரு பாறை மற்றும் பெரிய அடுப்பை காட்டி, "நண்பரே, இந்த பைபிள் மட்டும் எங்களிடம் வராமல் இருந்திருந்தால், இந்நேரம் நீங்கள் அந்தப் பாறையில் மண்டை உடைக்கப்பட்டு, அந்த அடுப்பில் வெந்து கொண்டிருந்திருப்பீர்கள். இந்தப் புத்தகம் என் கையில் இருப்பதால்தான், நீங்கள் இப்போது உயிருடன் என் முன் நிற்கிறீர்கள். அதற்கு நன்றி சொல்லுங்கள்" என்று பதிலளித்தார்.

அ) பிஜி தீவின் வரலாறு (Fiji):

 * 19-ம் நூற்றாண்டுக்கு முன், பிஜி தீவு "நரமாமிசம் உண்ணும் தீவு" (Cannibal Isles) என்றே அழைக்கப்பட்டது. அங்கு எதிரிகளைக் கொன்று உண்ணும் வழக்கம் மிகக் கடுமையாக இருந்தது.

 * ஜேம்ஸ் கால்வர்ட் (James Calvert), ஜான் ஹன்ட் போன்ற கிறிஸ்தவ மிஷனரிகள் அங்கே சென்ற பிறகுதான் அந்தப் பழக்கம் முழுமையாக மாறியது. எனவே, "பைபிள் இல்லை என்றால் நீங்கள் உணவாகி இருப்பீர்கள்" என்ற வாதம் வரலாற்று ரீதியாகப் பார்த்தால் அந்தச் சூழலுக்குப் பொருந்தக்கூடியதே.

ஆ) சார்லஸ் டார்வின் (Charles Darwin) மற்றும் டியரா டெல் ஃபியூகோ (Tierra del Fuego):

 * பரிணாமக் கோட்பாட்டின் தந்தை சார்லஸ் டார்வின், தனது ஆரம்பகால பயணத்தின்போது (Beagle Voyage), தென் அமெரிக்காவின் டியரா டெல் ஃபியூகோ என்ற இடத்தில் வாழ்ந்த பழங்குடி மக்களைச் சந்தித்தார். அவர்களைப் பார்த்து, "இவர்கள் மனித நிலையை அடையவே மாட்டார்கள், இவர்களை நாகரிகப்படுத்தவே முடியாது" என்று கருதினார்.

 * ஆனால் சில வருடங்களுக்குப் பிறகு, தாமஸ் பிரிட்ஜஸ் (Thomas Bridges) என்ற மிஷனரி அங்கு சென்று பணி செய்தபின், அந்த மக்களிடம் ஏற்பட்ட மிகப்பெரிய மாற்றத்தைக் கண்டு டார்வின் வியந்தார்.

 * டார்வின் தனது நண்பருக்கு எழுதிய கடிதத்தில், "மிஷனரிகள் இவ்வளவு பெரிய மாற்றத்தை உருவாக்குவார்கள் என்று நான் நினைத்துக்கூடப் பார்க்கவில்லை" என்று கூறி, அந்த மிஷனரி சங்கத்திற்கு (South American Missionary Society) நிதியுதவியும் செய்தார்.

 * டார்வின் அந்த மக்களிடம், "முன்பு கப்பல்கள் உடைந்தால் மாலுமிகளைக் கொன்று தின்றவர்கள், இப்போது அவர்களைக் காப்பாற்றி உபசரிக்கிறார்கள்" என்று எழுதினார்.

மிஷனரிகள் சமூகச் சீர்திருத்தம் மற்றும் காட்டுமிராண்டித்தனமான பழக்கங்களை (Cannibalism, Sati, Human Sacrifice) ஒழித்தார்கள் மிஷனரிகளின் வருகைக்குப் பின்தான் பல பழங்குடி இனங்களில் நரமாமிசம் உண்ணும் பழக்கம் நின்றது என்பது மறுக்க முடியாத வரலாற்று உண்மையாகும்.

தீயோனிடமிருந்து என்னை விடுவியும்

தனக்குச் சிறிது காலமே எஞ்சியிருக்கிறது என்பதை அலகை அறிந்துள்ளது.

அதனால் கடுஞ் சீற்றத்துடன் உங்களிடம் வந்துள்ளது.

திருவெளிப்பாடு 12:12 

பிசாசு எனக்கு வலை விரிக்கிறது.

ஆனால் கிறிஸ்து என்னை விடுவிக்கிறார். 

பிசாசு நான் பொய்களை நம்பும்படி செய்கிறது;

ஆனால் கிறிஸ்து உண்மையை வெளிப்படுத்துகிறார். 

பிசாசு என்னைச் சோதிக்கிறது;

ஆனால் கிறிஸ்து அதனை வெற்றிபெற உதவுகிறார். 

பிசாசு என்னை அச்சுறுத்துகிறது;

ஆனால் கிறிஸ்து எனக்குத் துணிவைத் தருகிறார். 

 

பிசாசு என்னைப் பலவீனப்படுத்துகிறது;

ஆனால் கிறிஸ்து என்னை வலுப்படுத்துகிறார். 

பிசாசு என்னைக் கீழே தள்ளுகிறது;

ஆனால் கிறிஸ்து என்னை தூக்கி விடுகிறார். 

பிசாசு என் வீழ்ச்சியில் மகிழ்கிறது;

ஆனால் கிறிஸ்து என்னைத் தேற்றுகிறார். 

ஆண்டவராகிய இயேசுவே,

பல சமயங்களில் நான் உமக்கு அல்லாமல், பிசாசுக்கு கீழ்ப்படிகிறேன்.

பல சமயங்களில் நான் பிசாசின் பிரதிநிதியாகிவிட்டேன்.

சில சமயங்களில் நான் தெரிந்தோ, தெரியாமலோ அண்டைவீட்டார்களுக்கும் எனக்கும் வருத்தத்தை ஏற்படுத்துகிறேன். 

என்னை  பிசாசிடமிருந்தும், அவனுடைய தீவினைகளிலிருந்தும் விடுவியும்.

பிசாசுக்கு எதிராக நான் போராடும் போது எனக்கு வெற்றி அளியும். ஆமென். 

+ பேராயர் ஞானாபரணம் ஜான்சன்

~~~~~~~~~~~~~~~~~~

*Deliver me from the Evil* 

The Devil has come down to you in great fury, knowing that his time is short (Revelation 12:12, NEB). 

The devil spreads the net,

but Christ frees me again. 

The devil makes me believe the lies, 

but Christ reveals the truth. 

The devil tempts me constantly,

but Christ helps me not to yield. 

The devil threatens me,

but Christ encourages me. 

The devil exploits my weaknesses,

but Christ strengthens me. 

The devil pushes me down, 

but Christ lifts me up. 

The devil laughs at my fall, 

but Christ comforts me. 

Lord Jesus,

many times I have obeyed the devil and not you.

Many times I have become an agent of the devil.

Sometimes knowingly and sometimes unknowingly, I have brought misery both to my neighbours and to myself.

Deliver me from the devil and his evils.

Give me also victory in my fight against the devil. Amen. 

+ Bishop Gnanabaranam Johnson

தூய மார்ட்டின் திருநாள்

நவம்பர் 11ஆம் நாள் பல கிறிஸ்தவர்கள் தூய மார்ட்டின் திருநாளைக் கொண்டாடுகின்றனர். நவம்பர் 10ஆம் நாள் பிறந்த மார்ட்டின் லுத்தர் அடுத்த நாள் திருமுழுக்குப் பெற்றார். பல குழந்தைகள் வெகு சீக்கிரத்திலேயே மரித்துப் போனதால் பெற்றோர்கள் தங்களுடைய சிறு குழந்தைகள் விரைவிலேயே திருமுழுக்கு ஆசியைப் பெற்றுக் கொள்ள விரும்பினர். 11ஆம் நாள் தூய மார்ட்டினுக்கு அர்ப்பணிக்கப்பட்ட நாளாக இருந்ததால், லுத்தருக்கு மார்ட்டின் என்ற பெயர் கொடுக்கப்பட்டது.    

               மார்ட்டின் யார்? கி.பி. 316 இல் ஹங்கேரியில் புற சமயத்தைச் சேர்ந்த ஒரு உரோமானிய அதிகாரிக்கு மகனாகப் பிறந்தார். அவர் உரோம படையில் சேர்ந்து ஒரு படை வீரரானார். குளிர்காலம் ஒன்றில் அவர் ஏமியன்ஸ் (பிரான்சு) நகருக்கு வெளியே குதிரையில் சவாரி செய்து கொண்டிருந்த போது, ஓர் ஏழை பிச்சைக்காரர் மேலங்கி இல்லாமல் நடுங்கி கொண்டிருப்பதைப் பார்த்தார். அவர் தன்னுடைய வாளை உருவி, தன்னுடைய மேலங்கியை இரண்டு துண்டுகளாகப் பிரித்து, ஒரு பாதியை பிச்சைக்காரரிடம் கொடுத்தார். மறுநாள் இரவில் கிறிஸ்து மார்ட்டினுடைய மேலங்கியை அணிந்து அவருக்கு தரிசனத்தில் தோன்றி கூறினார்: "இன்னும் திருமுழுக்குப் பெறாத மார்ட்டின் அவருடைய மேலங்கியின் ஒரு பகுதியை எனக்குக் கொடுத்துள்ளார்." விரைவில் மார்ட்டின் இராணுவத்தை விட்டு விலகினார். திருமுழுக்குப் பெற்றார். அவர் ஆயராகவும் பின்னர் தூர் (Tours) நகரத்தின் பேராயராகவும் ஆனார். அவரைப் பற்றிய பல வியத்தகு செயல்கள் பதிவாகி, அவர் புனிதர் பட்டம் பெற்றார். அவருடைய பல செயல்கள் மறந்து விட்டன. ஆனால் அவரது மேலங்கியைப் பிரித்து பிச்சைக்காரருடன் பகிர்ந்து கொண்ட இரக்கச் செயல் மறக்க முடியாத ஒரு கருணை செயலாகிவிட்டது. அவர் கிறிஸ்துவின் கட்டளையை நிறைவேற்றினார். "நான் ஆடையின்றி இருந்தேன், நீங்கள் எனக்கு ஆடை அணிவித்தீர்கள்." அன்பிற்கு ஓர் எடுத்துக்காட்டாக கலைஞர்கள் அந்தக் காட்சியை ஓவியமாக வரைவதும், சிற்பமாக செதுக்கியும் உள்ளனர். கிழக்கு ஜெர்மனியில் பல நகரங்களில் சிறு பிள்ளைகள் மாலையில் தாங்களே சுயமாக உருவாக்கிய விளக்குகளுடன் பாடல்களைப் பாடி சுற்றி வருவார்கள்.  

லுத்தர் மடலாயத்திற்குள் நுழைந்த எர்பர்ட் (Erfurt) என்ற இடத்தில் சிறு பிள்ளைகள் சந்தை கூடும் இடத்தில் கூடினர்.

அக்கூட்டத்தில் உரோமக் கத்தோலிக்கப் பேராயர் புனித மார்ட்டினைப் பற்றியும், லுத்தரன் பேராயர் மார்ட்டின் லுத்தரைப் பற்றியும், மாநகராட்சி மன்ற தலைவர் மார்ட்டின் லுத்தர் கிங்கைப் பற்றியும் பேசினார்கள் என்று உள்ளூர் ஆயர் என்னிடம் கூறினார். 

புனித மார்ட்டின்,மார்ட்டின் லுத்தர், மார்ட்டின் லுத்தர் கிங் ஆண்டவராகிய இயேசு கிறிஸ்துவைப் பின்பற்றிய மூவர். புனித மார்ட்டின் திருநாளன்று அவர்களை நினைவு கூருவது தகுதியானது. 

மறைதிரு.அறிவர்.சீபெர்ட் ஜான்சன்