Uses of Ginger

 *🩺நூறு டாக்டர்கள் இருக்காங்க  

கால் கிலோ இஞ்சில.

*🌵இஞ்சியை கறிக்கு டீக்கு

*🌵மட்டுமே யூஸ் பண்றோம்.

*🌵பாருங்க இஞ்சி இருந்தால்

*உங்களுக்கு எவ்வளவு

*வெட்டி

*செலவு மிச்சம் என்று!

*நோய்களை  நீக்குவதில்

*🌵இஞ்சி  சமையலறை மருத்துவர்!

*1. 🌵இஞ்சி சாறை பாலில் கலந்து சாப்பிட வயிறு நோய்கள் தீரும். உடம்பு இளைக்கும்.

*2. 🌵இஞ்சி துவையல், பச்சடி வைத்து சாப்பிட மலச்சிக்கல், களைப்பு, மார்பு வலி தீரும்.

*3. 🌵இஞ்சியை சுட்டு சிறிது உப்பில் தோய்த்து சாப்பிட பித்த, கப நோய்கள் தீரும்.

*4. 🌵இஞ்சி சாறில், வெல்லம் கலந்து சாப்பிட வாதக் கோளாறு நீங்கி பலம் ஏற்படும்.

*5. 🌵இஞ்சியை புதினாவோடு சேர்த்து துவையலாக்கி சாப்பிட பித்தம், அஜீர ணம், வாய் நாற்றம் தீரும். சுறு சுறுப்பு ஏற்படும்.

*6. 🌵இஞ்சியை, துவையலாக்கி சாப்பிட வயிற்று உப்புசம் இரைச்சல் தீரும்.

*7. 🌵காலையில் இஞ்சி சாறில், உப்பு கலந்து மூன்று நாட்கள் சாப்பிட பித்த தலைச்சுற்று, மலச்சிக்கல் தீரும். உடம்பு இளமை பெறும்.

*8. 🌵பத்துகிராம் இஞ்சி, பூண்டு இரண்டையும் அரைத்து, ஒருகப் வெந்நீரில் கலந்து காலை, மாலை இரண்டு நாட்கள் சாப்பிட மார்பு வலி தீரும்.

*9. 🌵இஞ்சி சாறோடு, தேன் கலந்து சூடாக்கி காலையில் வெறும் வயிற்றில் ஒரு கரண்டி வீதம் சாப்பிட்டு வெந்நீர் குடித்துவர தொந்தி கரைந்து விடும்.

*10. 🌵இஞ்சி சாறில், எலுமிச்சை சாறு கலந்து சாப்பிட நல்ல பசி ஏற்படும்.

*11. 🌵இஞ்சி, மிளகு, இரண்டையும் அரைத்து சாப்பிட ஜீரணம் ஏற்படும்.

*12. 🌵இஞ்சியை வதக்கி, தேன் விட்டு கிளறி, நீர் விட்டு, கொதிக்க வைத்து நீரை காலை, மாலை குடித்துவர வயிற்றுப் போக்கு தீரும்.

*13. 🌵இஞ்சியை அரைத்து நீரில் கலந்து தெளிந்தபின், நீரை எடுத்து, துளசி இலை சாறை சேர்த்து ஒரு கரண்டி வீதம் ஒரு வாரம் சாப்பிட வாய்வுத் தொல்லை நீங்கும்.

*14. 🌵இஞ்சி சாறில், தேன் கலந்து தினசரி காலை ஒரு கரண்டி சாப்பிட்டு வர நோய் தடுப்பு திறன் கூடும். உற்சாகம் ஏற்படும். இளமை பெருகும்.

*15. 🌵இஞ்சி சாறுடன், வெங்காய சாறு கலந்து ஒரு வாரம், காலையில் ஒரு கரண்டி வீதம் குடித்துவர நீரிழிவு குறையும்.

*16. 🌵இஞ்சி சாறு, எலுமிச்சை சாறு, வெங்காய சாறு மூன்றையும் கலந்து ஒருவேளை அரை அவுன்ஸ் வீதம் சாப்பிட்டுவர ஆரம்ப கால ஆஸ்துமா, இரைப்பு, இருமல் குணமாகும்.

How we have to speak ?!

 *நாம் பேசும் வார்த்தைகள் எப்படி பட்டதாக இருக்க வேண்டும்*

’''''''''''''''''''''''''''''''''''''''''''''''''''''"'''''''''''''''''''''''''''''''''''''''''''''''''''''''''''''''''

1) சுருக்கமான வார்த்தையாக இருக்க வேண்டும் (வளவள என்று பேச கூடாது) - பிரச 5:2

2) மற்றவர்களை பெலப்படுத்தும் வார்த்தைகளை பேச வேண்டும் - யோபு 4:4

3) நல்ல வார்த்தைகளை பேச வேண்டும் - எபேசி 4:29

4) மற்றவர்களுக்கு பிரயோஜனமான வார்த்தைகளை பேச வேண்டும் - எபேசி 4:29

5) ஜிவ  வார்த்தைகளை பேச வேண்டும் (மற்றவர்களுக்கு ஜிவனை (உயிரை) கொடுக்கும் வார்த்தை) - நீதி  10:11

6) இன்பமான வார்த்தைகளை பேச வேண்டும் (மற்றவர்களுக்கு இன்பத்தை தரக்கூடிய வார்த்தைகளை) - ஆதி 49:21

7) கிருபை உள்ள வார்த்தைகளை பேச வேண்டும் - கொ 4:6

8) உப்பால் சாரம் ஏறிய வார்த்தைகளை பேச வேண்டும் (மற்றவர்களுக்கு ருசி கொடுக்கும் வார்த்தை) - கொ 4:6

9) அறிவுள்ள வார்த்தைகளை பேச வேண்டும் - நீதி 15:2

10) மற்றவர்களுக்கு பக்தி விருத்தி உண்டாக்கும் வார்த்தைகளை பேச வேண்டும் - எபேசி 4:29

11) மற்றவர்கள் துக்கத்தை மாற்றும் வார்த்தைகளை பேச வேண்டும் - யோபு 16:5

12) மற்றவர்களை திடப்படுத்துகிற (தைரியப்படுத்துகிற)  வார்த்தைகளை பேச வேண்டும் - யோபு 16:5

13) செம்மையான வார்த்தைகளை பேச வேண்டும் - யோபு 6:25

14) தேவனுக்கு பிரியமானதை பேச வேண்டும் (நாம் பேசும் பேச்சு தேவனுக்கு பிரியமானதாக இருக்க வேண்டும்) - சங் 19:14

15) நலமானதை பேச வேண்டும் - மத் 12:34

16) ஆரோக்கியமான வார்த்தைகளை பேச வேண்டும் - நீதி 15:14

17) நன்மையே பேச வேண்டும் - ஆதி 31:24

18) மெதுவான பதில் - நீதி 15:1

Honour ur Father and Mother

 ஒரு மகன் ஒரு முறை தன் தாயிடம் கேட்டான். எங்களை வளர்ப்பதற்காக அதிகமாக கஷ்டப்பட்டு தியாகம் செய்தது நீங்களா...? அல்லது  அப்பாவா...?

அதற்குத் தாய் இந்தக் கேள்வியை நீ என்னிடம் கேட்டிருக்க கூடாது, குழந்தைகளை வளர்ப்பதில் ஒரு தாய்க்கும் தகப்பனுக்கும் எவ்வித கஷ்டமும் இல்லை. இருந்தாலும் சொல்கிறேன். உங்க அப்பா என்னை திருமணம் செய்துகொண்டபோது சொந்த விருப்பங்களுக்கும் நலன்களுக்கும் அதிக முக்கியத்துவம் கொடுத்தவர். நீ பிறந்த பின்னர் தன் விருப்பு வெறுப்புகளை மாற்றி உங்களுக்காக உங்கள் நலனுக்காக,  உணவு, உடை, மருந்து மற்றும் உங்கள் கல்விக்கு என பல தேவைகளுக்காக சம்பாதித்தார். நீங்களும் நானும் இந்த குடும்பமும் உன் தந்தையின் வியர்வை உருவானவர்கள்.

 ,

 மகன் இதே கேள்வியை தன் தந்தையிடம் கேட்டார்.

அவரின் பதில் வேறு மாதிரி இருந்தது. உங்கள் தாயார் எவ்வளவு தியாகம் செய்தார் என்று எனக்குத் தெரியவில்லை. உன்னை வளர்ப்பதற்காக அவள் எவ்வளவு கஷ்டப்பட்டாள் என்றுகூட எனக்குத் தெரியவில்லை. அவளுடைய பொறுமையும் விடாமுயற்சியும் தான் இந்த குடும்பத்தை இன்று இந்த நிலைக்கு கொண்டு வந்தது. என்னுடைய வருமானத்திற்கு ஏற்ப செலவுகளை செய்தாள். தனக்கு தேவையான எதையும் அவள் இதுவரை என்னிடம் கேட்டதில்லை. உங்களுக்காக தான் என்னுடன் சண்டையிட்டிருக்கிறாள். அவளது தியாகத்தை விட நான் ஒன்றும் பெரிதாக செய்யவில்லை என்றார்.

மகன் தனது சகோதரர்களிடம் சொன்னான்.  நம்மைவிட இந்த உலகில் அதிர்ஷ்டசாலிகள் யாரும் இருக்க முடியாது. தந்தையின் தியாகத்தைப் புரிந்துகொள்ளும் தாயும், தாயின் தியாகத்தைப் புரிந்துகொள்ளும் தந்தையும் இருக்கும் ஒவ்வொரு குடும்பமும் சொர்க்கம்தான்.

பெற்றோர்கள் இருவர் அல்ல, ஒரு கிரீடத்தில் இருக்கும் இரண்டு வைரக்கற்கள். அவர்களை நம்முடனேயே வைத்து அவர்களது ஆயுட்காலம் முழுவதும் காப்போம்.

உங்களில் ஒருவன்.....

  👍

இன்றைய சமூகத்தில் சாவித்ரிபாயின் பங்கு

 

இன்றைய சமூகத்தில் சாவித்ரிபாயின் பங்கு

 

“என் மேல் கற்களையும் மாட்டுச் சானத்தையும் வீசுகிறார்கள்.  அதையும் மீறி கல்வி கற்பிக்க செல்கிறேன்.  ஏனெனில், கல்வியின் மகத்துவம் எனக்குத் தெரியும்.”

“விஷப் பாம்புகளைத் தொடும் நமக்கு சக மனிதர்களிடம் மட்டும் தீண்டாமை ஏன்?”

“இச் சமூகத்தில் பெண்களுக்கான கல்வி மிகாவசியமானது. ஆனால், பெண்கள் கல்வி கற்பதையே பலர் பாவமாக கருதுகிறார்கள்.”

“கடவுளுக்குச் சேவகம் செய்வதைவிட, கடவுளைப் போன்ற மனிதர்களுக்கு சேவகம் செய்வது சிறந்தது; பிறருக்கு கல்வி கற்றுத் தருவது அப்படியானது.”

இவர்கள் ஜதிக்காக உயிரைக்  கொல்கிறார்கள். ஒரு மனிதனின் உயிரை விட ஜாதி பெரியதா?

“ கல்வி அறிவினால் மட்டுமே ஒருவர் தன் தாழ்ந்த நிலையை அழித்து உயர்ந்த நிலையை அடைகிறார் என்பதை நான் ஆழமாக நம்புகிறேன்”

“அறிவுடமை இல்லையேல் எதுவுமில்லை”

-        இவையெல்லாம் சாவித்ரிபாயின் சிந்தனைகள்.

இந்த சிந்தனைகள் உதித்த காலம் 19 ஆம் நூற்றாண்டு.   கிட்டத்தட்ட 150 ஆண்டுகளுக்கு முற்பட்ட காலத்திலேயே சாவித்ரிபாய் இவற்றையெல்லாம் சிந்தித்து இருக்கிறார். இவற்றில் ஒன்றைக் கூட நாம் இன்னும் கடந்து போனதாகத் தெரியவில்லை.

சாவித்ரியின் வாழ்க்கை ஏட்டினை சற்றே புரட்டிப் பார்த்தோமேயானால், டிஜிட்டல் உலகம் என மார்தட்டிக் கொள்ளும் நாம், சிந்தனையில் எவ்வளவு பின் தங்கி இருக்கிறோம் என்பதனை உணர முடியும்.

பெண்கள் மீதான அடக்கு முறையும், தீண்டாமைக் கொடுமையும், மூட நம்பிக்கைகளும் இந்த சமூகத்தில் புரையோடிப் போயிருந்த காலம்தான் சாவித்ரியின் காலம்.

பெண்கள் படித்தாலே பாவம் என்ற எண்ணம் கொண்ட மனிதர்கள் மத்தியிலே, பெண் சமுதாயத்திற்கே கல்வி விளக்கு ஏற்றிய கருணைக் கடல் சாவித்ரி.  கல்வியே ஒரு சமுதாயத்தை கரைசேர்க்கக் கூடிய கலம் என்று உறுதியாக நம்பிய சாவித்ரி எதிர் கொண்ட சோதனைகள் ஏராளம். 

ஆனால், இன்றைய சமுதாயத்திலே, சாவித்ரிபாய் இன்னும் அதிக உத்வேகத்துடன் செயல்பட வேண்டியுள்ளது.  ஏனென்றால் அன்று சாவித்ரி சந்தித்த அத்துனை பிரச்சனைகளும் இன்று நவீன வடிவத்திலே கண்ணுக்குப் புலப்படாத எதிரிகளாக உருவெடுத்துள்ளன.

ஸ்டேட் போர்ட், சிபிஎஸ்இ , இன்டெர்னேஷனல் என்று வெவ்வேறு கல்வி முறைகளில் இங்கே தீண்டாமை தலைவிரித்தாடிக் கொண்டு இருக்கிறது.  ஜதிக்கொரு கல்வி முறையாகிப் போய்விட்டது. அடித்தட்டு வர்க்கத்தினருக்கு ஒரு கல்வி முறை.  ஆதிக்க வர்க்கத்தினருக்கு ஒரு கல்வி முறை என்று இங்கே தீண்டாமை நவீனமயமாக்கப் பட்டுள்ளது.  இந்தச் சூழலில் சாவித்ரிபாய் இன்னும் வீறு கொண்டு எழ வேண்டியுள்ளது.

இத்தனையும் சமாளித்து ஒரு அடித்தட்டு வர்க்கத்து மாணவன் முனைவர் பட்டத்திற்கு முன்னேறி விட்டால், அங்கே அவனுக்கு காத்திருப்பதோ தூக்குக் கயிறுதான்.  ஆம், 2016, சனவரி 17,  ரோஹித் வெமுலாவின் தற்கொலையைத்தான் இங்கே குறிப்பிட விரும்புகின்றேன்.  சாவித்ரியின் அத்துனை போராட்டங்களும் தவிடுபொடியாகிவிட்டதே என்ற வலியும் வேதனையுமே மிச்சம் நமக்கு. இப்படிப்பட்ட நிறுவனக் கொலைகள் சமீபத்திய JNU இஸ்லாமிய மாணவி தற்கொலை வரை தொடர்ந்து கொண்டு தானே இருக்கிறது.

தாழ்த்தப்பட்டவர்களையோ அல்லது பெண்களை மட்டுமோ குறிவைப்பதில்லை இன்றைய அரசியல்.  ஏழைகள் ஏழைகளாகவே இருக்க வேண்டும்.  பொருளாதார ரீதியில் பின் தங்கிய, முதல் தலைமுறையாக கல்வி கற்க வரும் மாணவர்களுக்கு NEET என்ற பெயரிலே இங்கே கல்வி கேள்விக் குறியாகிவிட்டது.  அது புரியாமல், ஆதிக்க வர்க்கத்தினர் மட்டுமே வாழ வேண்டும் என்ற அடாங்காத வெறியினால் உருவாக்கப்பட்ட புதிய கல்விக் கொள்கையை நம்மில் சிலரே கையில் ஏந்திக் கொண்டு அலைந்து கொண்டு இருக்கிறோம். 

இது மட்டுமா? ஜாதியின் பெயரில் நடந்தேறும் ஆணவக் கொலைகளை எந்தக் கணக்கில் பட்டியலிடுவது?  அம்ருதாவின் காதல் கணவன் ப்ரணய் கொலை வழக்கு, உடுமலை சங்கர் கொலை வழக்கு, தர்மபுரி சம்பவம் என நாட்டை உலுக்கிய ஆணவக் கொலைகளுக்கு யார் நீதி கேட்பது?

உலக அரங்கிலே அறிவியல் தொழில் நுட்பத்தில், விண்வெளி விஞ்ஞானத்தில் இந்தியாவைக் கண்டு மிரளுகிறது நாசா.  அதே இந்தியாவில் தான் மேட்டுப் பாளையம், நடூரில் , தீண்டாமைச் சுவர் இடிந்து 17  பேர் உயிர் இழக்கின்றனர். இப்படி முரண்பாடுகளைக் கொண்ட நம் தேசத்தை எந்த இடத்தில் பொருத்துவது? முன்னேறிய நாடுகள் வரிசையிலா? பின் தங்கிய நாடுகள் வரிசையிலா?

இவற்றையெல்லாம் சீர்படுத்த சாவித்ரி சாதாரணமாக வந்து விடக் கூடாது.  விஸ்வரூபம் அல்லவா எடுக்க வேண்டியுள்ளது.

சாவித்ரியின் தைரியமும் மனவலிமையும் சமுதாயத்தின் மீது பற்று கொண்ட நம்மைப் போன்றவர்களுக்கு அருமருந்து.  நிகழ்கால சமுதாயத்தைப் புரட்டிப்போட முடியுமா? என்பது தெரியவில்லை.  ஆனால் எதிர்கால இந்தியாவின் தூண்களை உளி கொண்டு செதுக்க நம்மைப் போன்றவர்கள் முன்னெடுக்க வேண்டும் என்பதே என் தார்மீக எண்ணமாகும்.

சக மனிதர்களின் கேலிப் பேச்சுக்கும் , கல் எறிதலுக்கும் தலை வணங்காமல் இருந்ததால்தான் சாவித்ரியால் பெண் கல்வி சாத்தியமானது.  சமூகக் கொடுமைகளுக்கு சமாதி கட்ட முடிந்தது.

சாவித்ரியின் சாதனைகளில் முக்கியமாக நாம் எண்ணிப் பார்க்க வேண்டியது விதவைப் பெண்களின் நல்வாழ்விற்காக அவர் மேற்கொண்ட  பணிகள். 

1800 – களில் அவர் ஆரம்பித்த போராட்டம், விதவைகளின் வாழ்வில் விளக்கேற்றி இருக்கிறதா? என்றால் வெளிச்சத்தின் கதிர்கள் அவர்கள் வாழ்வில் பாய வேண்டிய தூரம் இன்னும் அதிகம் இருக்கிறது என்பதைத்தான் நமக்கு காட்டுகிறது.

இன்றளவும் விதவை மறுமணம் என்பது, பாதிக்கப்பட்ட பெண்களாலேயே ஏற்றுக் கொள்ள முடியாமல் இருக்கின்ற நிலைமைதான் நீடிக்கிறது.  குடும்ப கௌரவம் விதவைகளின் வாழ்க்கையைக் குட்டிச் சுவராக்குகிறது.  கற்பு என்ற பெயரில்   நேர்மையான திருமண வாழ்க்கையை வழங்க மறுக்கும் இந்த சமுதாயம் அவளின் தலைமறைவு வாழ்க்கையை, பவம் தனியாக இருப்பவள் தானே என தட்டிக் கொடுத்துச் செல்கிறது.  சில வெறி கொண்ட ஆண்களின் வசதிக்காக!  சுய கௌரவத்தை பெண் பிள்ளைகளுக்குச் சொல்லிக் கொடுக்க வேண்டிய கட்டாயத்தில்தான் நாம் இன்னமும் இருக்கிறோம் என்பதை மறந்துவிடக் கூடாது. முதலில் நாம் நம்மை மதிக்கக் கற்றுக் கொள்ள வேண்டும்.  எந்த இடத்திலும் பெண்மை தலை குனியக் கூடாது என்பதை பசு மரத்து ஆணி போல நம் பிள்ளைகளின் மனதில் பதிய வைக்க வேண்டியது நம் தலையாய  கடமையாகும்.

சமத்துவ சமுதாயம் படைக்க வேண்டும் என்பதிலே சாவித்ரியின் பங்கு அளவிட முடியாதது.  1890 – ல் மகாத்மா ஜோதிராவ் பூலே இறந்து விடுகிறார்.  அவர்களின் வளர்ப்பு மகன் யஷ்வந்த் ஈமச் சடங்கினைச் செய்வதற்கு பூலே உறவினர்கள் எதிர்ப்பு  தெரிவிக்கின்றனர்.  அந்த சமயத்தில் துணிச்சலாக முடிஉவெடுக்கின்றார் சாவித்ரி.  ஈமச் சடங்கினைத் தானே செய்து முடிக்கின்றார். தன் கணவரின் உடலுக்கு அவரே தீயும் வைக்கிறார்.

இந்த இடத்திலே இன்னொரு விஷயத்தை உங்களிடம் பகிர்ந்து கொள்ள விருப்பப் படுகிறேன்.  சமீபத்திலே நம் நாட்டின் முன்னாள் பிரதமர் வாஜ்பாய் மறைந்தபோது அவரின் வளர்ப்பு மகள்தான் வாஜ்பாய் உடலுக்குத் தீ வைக்கிறார். இந்த சம்பவத்தை ஊடகங்கள் பெரிய அளவிலே பேசிற்று.

 

சற்றே சிந்தித்துப் பாருங்கள்.  கிட்டத்தட்ட 150 ஆண்டுகளுக்கு முன்னரே இது போன்ற துணிச்சல் ஒரு பெண்ணுக்கு வரவேண்டுமானால் எவ்வளவு மனவலிமை படைத்தவராக இருக்க வேண்டும்? 

இத்தனை கொடுமைகளையும் புறந்தள்ளி, புதியதொரு சமுதாயம் படைக்க, சமூகப் புரட்சி  செய்த சமூகப் போராளி , இந்தியாவின் முதல் பெண் ஆசிரியை சாவித்ரிபாய் பூலேவின்வழினின்று , அவரின் பங்காற்ற ஆயிரம் ஆயிரம் சாவித்ரிபாய்கள் ஒன்று திரள வேண்டும்.  ஒன்று படுவோம்!

 

விழித்திடு! எழுந்திடு! கற்பித்திடு!

பழமையை எதிர்த்திடு – விடுதலையடைந்திடு!

-        சாவித்ரிபாய் பூலே.

மகளிர் தினம் – 2021

 

மகளிர் தினம் – 2021

 

பெரும்பாலும் நாம் கொண்டாடுகின்ற தினங்கள் அனைத்துமே வெறும் சம்பிரதாயமாக  மாறிவிட்ட இன்றைய காலகட்டத்தில் , நூறு ஆண்டு கால போராட்ட வரலாற்றை தன்னகத்தே  கொண்ட இந்த மளிர் தினத்தின்  நிலைமையோ அதைவிட பரிதாபம். 

 கி.பி. 1800 களின் பிற்பகுதியில் தொடங்கி வளர்ச்சி அடைந்த நாடுகளில் உழைக்கும் வர்க்கத்தினரால் ஆங்காங்கே  போராட்டங்கள் நடந்து கொண்டிருந்த சூழ்நிலையில், 1908 இல் அமெரிக்காவின் நியூயார்க் நகரத்தில் 15000 பெண் தொழிலாளர்கள் குறைந்த வேலை நேரம், சரிவிகிதச் சம்பளம் மற்றும் ஓட்டுரிமை வேண்டி ஒரு மாபெரும் பேரணியை நடத்துகின்றனர்.

 அதனைத் தொடர்ந்து 1910 ஆம் ஆண்டு நடந்த உழைக்கும் மகளிரின் சர்வதேச மாநாட்டில் மிகச் சிறந்த சோஷலலிசப் பெண்மணியான கிளாரா சட்கின் இந்த நாளை சர்வதேச மகளிர் தினமாக கொண்டாடவேண்டும் என்ற கோரிக்கையை முன் வைக்கிறார். அதனை ஏற்று 1911 ஆம் ஆண்டு  முதல்  சர்வதேச பெண்கள் தினம் ஆஸ்த்ரியா, டென்மார்க், ஜெர்மனி மற்றும் சுவிசர்லாந்திலும் கொண்டாடப்பட்டது. 

இது ஒருபுறம் இருக்க, 1917 இல் ரஷ்யாவில் நடந்த வரலாற்றுப் புகழ் பெற்ற “Bread and Peace” போராட்டம் தான் மார்ச் 8 ஐ சர்வதேச மகளிர் தினமாக தீர்மானிப்பதற்கான காரணியாக அமைந்தது.

 உலக அமைதியைப் புரட்டிப் போட்ட முதல் உலகப் போர் முடியும் தருவாய் அது. ஏராளமான உயிர்ச் சேதங்களையும், பஞ்சம் பட்டினியையும் மட்டுமே மிச்சம் வைத்தது முதல் உலகப் போர்.  இதில் அளவிட முடியாத இழப்பை அடைந்தது ரஷ்யா.  இதற்கு மேலும் போரில் ஈடுபட முடியாது - ரஷ்யப் படைகள் திரும்பப் பெறப்பட வேண்டும் என்று  ரஷ்ய மக்கள் எழுப்பிய முழக்கங்கள் விண்ணைப் பிளந்தன.  ஆனால் மனாசாட்சியற்ற சார் (Tsar) மன்னனின் மனதை மட்டும் அவை ஏனோ தொடவே இல்லை.  

1917  -  மார்ச் 8  - மகளிர் தினத்திற்கான விதை  விதைக்கப்பட்ட திருநாள்.  பொறுத்தே பழகிய பெண்கள் கூட்டம் அன்று முதல் முறையாக மன்னன் சாரை (Tsaar) எதிர்த்து நின்றது .  அடக்க வந்த ராணுவமும் புரட்சி செய்த பெண்கள் பக்கம் நின்றுவிடுகின்றனர். இவர்களோடு போல்ஷ்விக்குகளும் இணைகின்றனர். இதில், பல உயிர்களைப் பலி வாங்கிய பிறகே சார் மன்னனின் முடியாட்சி முடிவிற்கு வந்தது. போராட்டம் வெற்றி பெற்றது.

இப்படிப் பல போராட்டங்களைப் பெண்கள் உலகெங்கிலும் முன்னெடுத்த நிலையில், 1975 ஆம் ஆண்டை ஐ நா சபை பெண்கள் ஆண்டாக அறிவித்தது. உலகெங்கிலும் பல்வேறு தினங்களில் மளிர் தினம் கொண்டாடப்பட்டு வந்த நிலையில் ஐ நா சபை ஏதாவது ஒரு நாளை சர்வதேச மகளிர் தினமாக தீர்மானிக்க உலக நாடுகளிடம் வேண்டுகோள் விடுத்தது. எல்லா நாடுகளாலும் ஒப்புக் கொள்ளப்பட்ட மார்ச் 8 ஆம் தேதியை சர்வதேச மகளிர் தினமாக அறிவித்து 1977 ஆம் ஆண்டு தீர்மானம் நிறைவேற்றப்பட்டது.  அன்றிலிருந்து இன்று வரை ஒவ்வொரு ஆண்டும் மார்ச் 8 ஆம் தேதி சர்வதேச மகளிர் தினமாகக் கொண்டாடப்பட்டு வருகிறது.

இந்த மாபெரும் வரலாறு புரியாமல், நாம், மகளிர் தினத்தை சமையல் போட்டிகளுக்கும் கோலப் போட்டிகளுக்குமான தினமாக மாற்றிவிட்டது தான் வேதனையின் உச்ச கட்டம்.  சமத்துவத்திற்கும் பெண் விடுதலைக்குமான இந்த நாளை நாம் மறுபடியும் நம் கொண்டாட்டங்களுக்கான திருநாளாக மாற்றி விட்டது நம் அறியாமையின் வெளிப்பாடு. பெண்களுக்கென்றே புனையப்பட்ட புனிதங்களில் இருந்து இம்மியளவு கூட நாம் பிசக விரும்பவில்லை என்பதுதான் கசப்பான உண்மை.

இதில் பெண்களை மட்டுமே குறைசாட்டுவதில் பயனில்லை.  தெய்வத் திருமறை என்று போற்றப்படும் திருக்குறள் முதற்கொண்டு சங்ககாலப் பாடல்கள் பல பெண்களைச் சிறப்பிப்பதாக நினைத்துக் கொண்டு சமத்துவத்திற்கும் பெண்களின் சுயமரியாதைக்கும் சமாதி கட்டிவிட்டன என்பது தான் என் தாழ்மையான கருத்து.

“தெய்வம் தொழாஅள் கொழுநற் றொழுதெழுவாள்

பெய்யெனப் பெய்யும் மழை.” - திருக்குறள்

ஆணும் பெண்ணும் சரிநிகர் சமானம் என்று திருவள்ளுவர் நினைக்கவில்லையோ என்று தோன்றுகிறது இத் திருக்குறளைப் படிக்கையில்.

“வானம் பொய்யாது வளம்பிழைப் பறியாது

நீணில வேந்தர் கொற்றஞ் சிதையாது

பத்தினிப்பெண்டிர் இருந்த நாடு”  - சிலப்பதிகாரம்

ஏன் கற்புடை ஆண்கள் இருந்த நாடு என்று இளங்கோவடிகள் பாடவில்லை என்ற ஐயம் எழத்தான் செய்கிறது.

“கற்பு நிலை என்று சொல்ல வந்தால் அதை ஆணுக்கும் பெண்ணுக்கும் பொதுவில் வைப்போம் “ – என்று சொன்ன பாரதி என் கண்முன் இங்கே விஸ்வரூபம் எடுத்து நிற்கிறான். அவனையே ஒட்டு மொத்த பெண்களின் பிரதிநிதியாகப் பார்க்கிறேன்.

 

இவ்வளவு இடர்பாடுகளையும் தாண்டி பெண் சமுதாயம் இன்று பல்வேறு துறைகளில் சாதனை படைப்பதற்கு பாரதியின் துணை தேவைத்தான் படுகிறது.

“பெண்கள் எல்லாவிதமான அடக்கு முறைகளில் இருந்தும் விடுதலை பெறாமல் சுதந்திரம் என்பது சாத்தியமில்லை” -   என்ற நெல்சன் மன்டேலாவின் வரிகளை நன்றியோடு நினவு கூற கடமைப்பட்டு இருக்கிறோம்.

எத்தனை கரங்கள் பெண் விடுதலைக்காக நீண்டாலும், பெண்கள் முன்வராமல் பெண் விடுதலை என்பது சாத்தியமில்லை என்பதே மறுக்கமுடியாத உண்மை.  பெண்கள் கால் பதிக்காத துறைகளே இல்லை என்று பெருமை பேசும் அதே வேளை பெண்களின் மனப்பாங்கு இன்னும் மாறவேண்டியது நிறையவே உள்ளது என்பதை நாம் ஒப்புக் கொள்ளத்தான் வேண்டும்.

“Generation equality” –   இந்த தலைப்பைத் தான் இந்த வருட மகளிர் தினத்தின் கருப் பொருளாக ஐ நா சபை தேர்ந்தெடுத்து இருக்கிறது.  Equality – சமத்துவம் – இருக்கிறாதா நம் நாட்டில்?  கொடுத்தாலும் மறுக்கின்ற மகளிர் இருக்கின்ற நாடுதான் நம் தாய்த் திருநாடு.  தந்தை சுமக்க, உடன் பிறந்தவர்கள் சுமக்க, கட்டிய கணவன் சுமக்க இறுதியில் நான்கு பேர் சுமக்க என்று பெரும்பாலான பெண்களின் பயணம் இப்படியாகவே முடிந்து விடுகிறது. படித்த பெண்கள் கூட இந்த நிலையில் இருந்து வெளிவர விரும்புவதில்லை.

 இப்படிப் பட்ட பெண்கள் இருக்கும் இதே மண்ணில் தான் நாட்டிற்காகத் தன் இன்னுயிரையும் நீத்த கமலேஷ் குமாரியும் பிறந்தார் என்பதனை நாம் மறந்து விடக் கூடாது. 2001 டெல்லி பாராளுமன்ற தாக்குதலை யாரும் மறந்து இருக்க முடியாது.  தீவிரவாதிகளை முதலில் அடயாளம் கண்டு தன் உயிரை துச்சமென மதித்து நாட்டின் தன்மானத்தை நிலைநிறுத்திய சிங்கப் பெண். அசோக் சக்ரா விருதின் சொந்தக்காரி.  இறந்த பிறகு கிடைத்த விருது. தாயின் கையிலே ஒப்படைக்கப்படுகிறது.  கையில் விருதுடன் அந்தத் தாய் பேசியது இன்னமும் நம் காதுகளில் ஒலித்துக் கொண்டு இருக்கிறது.  தன்னுடைய இரண்டவது மகளையும் அதே பணியில் அமர்த்துவேன் என்ற அவருடைய தீரம் நமக்கெல்லாம் சிறந்ததொரு  பாடம்.

பெண்கள் கல்வி அறிவு பெற தன் மீது வீசப்பட்ட சாணங்களையும் கற்களையும் சாவித்ரி பாய் பொறுத்துக் கொள்ளாமல் இருந்து இருந்தால் இன்று பெண் கல்வி என்பது கானல் நீராகத்தான் இருந்திருக்கும். அவரின் தன்னம்பிக்கையும் துணிச்சலும்  நமக்கெல்லாம் வேண்டும்.

ஒவ்வொரு துறையிலும் முதலில் காலடி எடுத்து வைத்த முதல் பெண்களின் வீர வரலாற்றை நாம் தேடித் தேடிக் கற்க வேண்டும். இந்தியாவின் முதல் பெண் மருத்துவர் டாக்டர் முத்துலட்சுமி என்பது நாம் அனைவரும் அறிந்த ஒன்று.  ஆனால், அதற்காக அவர் பட்ட இன்னல்களை அறிந்தவர் வெகு சிலரே. அவர் கல்லூரியில் பயின்ற போது பெண் என்ற காரணத்தினால் அமர்ந்து படிக்க அனுமதி இல்லையாம். எந்த துறைத் தலைவர் தன்னை      நிற்க வைத்துப் பாடம் நடத்தினாரோ அவரே தன்னைப் பாராட்டும்படி தங்கப் பதக்கம் வென்றவர் டாக்டர் முத்துலட்சுமி அம்மையார். நின்றே படித்த அந்தப் பெருந்தகையால் தான் இன்று பெண் இனம் தலை நிமிர்ந்து நடந்து கொண்டு இருக்கிறது.

தேவதாசி ஒழிப்புச் சட்டம் தமிழகத்திலே   நிறைவேறியதும் அம்மையார் அவர்களால் தான் என்பதையும் நாம் மறந்து விடக் கூடாது. அதற்காக அவர் பட்ட இன்னல்கள் கொஞ்ச நஞ்சமல்ல.  இது தேவையில்லாத சட்டம் என்று மறுத்தவர் பலர் உண்டு. ஆனாலும் கலங்கவில்லை. அவரின் விடா முயற்சியே இன்றைய பெண் சமுதாயத்தின் மறுமலர்ச்சிக்குக் காரணம்.

இன்றைய பெண்களின் இத்துனை உயர்வுக்கும் யாரோ ஒரு சிலரின் தியாக வாழ்க்கையே அடித்தளமாக இருக்கிறது என்பதை நாம் கருத்தில் கொள்ளவேண்டும்.  இத்தகு மாற்றங்கள் ஓர் இரவில் ஏற்பட்டது அல்ல என்பதையும் கடந்து வந்த பாதையின் காய வடுக்களையும்  நம் அடுத்த தலைமுறையினருக்கு நாம் கடத்தியே ஆகவேண்டும். இறந்த காலத்தின் வலிகள் மறந்துவிட்டாலோ அல்லது மறைக்கப் பட்டு விட்டாலோ எதிர்காலம் என்பது இருண்டு விடும்.

அறியாமை என்னும் இருள் பெண் இனத்தை அழிக்காமல் இருக்க வேண்டுமானால் கல்வி என்ற தீபம் எப்போதும் அணையாமல் இருக்க வேண்டும்.

கல்வி, வேலைவாய்ப்பு, உடல் ஆரோக்கியம், உணவு, குடும்ப வேலை இப்படி அனைத்திலும் என்று சமத்துவம் வருகிறதோ அன்றே உண்மையான மகளிர் தினம் நம் வசப்படும்.

 

கு.பச்சையம்மாள்

அரசு பள்ளி ஆசிரியை

புதுச்சேரி.

 

Three stages of COVID

    Covid Three stages:

1. Covid only in nose - recovery  time is half a day. (Steam inhaling), vitamin C. Usually no fever. Asymptomatic. 

2. Covid in throat - sore throat, recovery time 1 day (hot water gargle, warm water to drink, if temp then paracetamol. Vitamin C, Bcomplex. If severe than antibiotic. 

3. Covid in lungs- coughing and breathlessness 4 to 5 days. (Vitamin C, B complex, hot water gargle, oximeter, paracetamol, cylinder if severe, lot of liquid required, deep breathing exercise.

Stage when to approach hospital : 

Monitor the oxygen level. 

If it goes near 93 (normal 98-100) then you need oxygen cylinder. 

If available at home, then no hospital else admit.

*Stay healthy, Stay Safe!*

Tata Group has started good initiative, they are providing free doctors consultation online through chats. This facility is started for you so that you need not to go out for doctors and you will be safe at home.

Below is the link, I reqest everyone to take benefit of this facility.

https://www.tatahealth.com/online-doctor-consultation/general-physician

+91 74069 28123: 

Advice from inside isolation hospitals, we can do at home

Medicines that are taken in isolation hospitals ; 

1. Vitamin C-1000

2. Vitamin E

3. sitting in the sunshine for 15-20 minutes.

4. Egg meal once ..

5. take a rest / sleep a minimum of 7-8 hours

6. drink 1.5 liters of water daily

7. All meals should be warm (not cold).

And that's all we do in the hospital to strengthen the immune system

Note that the pH of coronavirus varies from 5.5 to 8.5

Therefore, all we have to do to eliminate the virus is to consume more alkaline foods above the acidity level of the virus.

Such as  ; 

Bananas 

Green lemon - 9.9 pH

Yellow Lemon - 8.2 pH

Avocado - 15.6 pH

* Garlic - 13.2 pH

* Mango - 8.7 pH

* Tangerine - 8.5 pH

* Pineapple - 12.7 pH

* Watercress - 22.7 pH

* Oranges - 9.2 pH

How to know that you are infected with corona virus ? 

1. Itchy throat

2. Dry throat

3. Dry cough

4. High temperature

5. Shortness of breath

6. Loss of smell ....

And lemon with warm water eliminates the virus at the beginning before reaching the lungs ...

Do not keep this information to yourself. Provide it to all. .

♦️

Junnaid

ஜீனாய்டு (junnaid) ஒரு சுபி ஞானி.

அவரிடம் ஒரு பெரிய பணக்காரட் வந்து மனிதனின் வாழ்க்கை அவன் தலைவிதிப்படித்தான் நடக்கும். அவன் சுகந்திரமானவன் இல்லை என்று கருதுகிறேன். இதை பற்றி நீங்கள் என்ன சொல்கிறீர்கள்?  என்று கேட்டான்!

அவனை பார்த்த சுபி ஞானி, உன்னுடைய ஒரு காலை தூக்கு என கத்தினார்!

அவனுக்கு ஒன்றுமே புரியவில்லை. நான் கேட்ட கேள்விக்கும் ஒரு காலை தூக்குவதற்கும் என்ன சம்பந்தம்?  என திகைத்தான்!  அவன் தயக்கத்தை பார்த்த ஞானி மீண்டும் ஒரு காலை தூக்கு என வேகமாக கத்தினார்!

 வேறு வழியில்லாமல் அவன் தன்  வலது காலை தூக்கினான். அதை பார்த்த அந்த ஞானி,  இது போதாது இப்போது அடுத்த காலையும் தூக்கு என்றார்.

அவன் கோபம் கொண்டு, இதென்ன முட்டாள்தனம்?  ஒரு காலை தூக்கிய பிறகு மறு காலையும் எப்படி தூக்குவது? விழுந்து விட மாட்டேனா? என கேட்டான்.

கலகலவென சிரித்த ஞானி, சரி இப்போது உட்கார் என்று கூறினார்.

இதில் இருந்து நீ என்ன புரிந்து கொண்டாய்? என அவனை கேட்டார்.

எனக்கு ஒன்றுமே புரியவில்லை என்றான் அவன்.

நான் உன்னிடம் உன் ஒரு காலை தூக்கு என்று சொன்னதும் நீ ஏன் உன் இடது காலை தூக்காமல் வலது காலை தூக்கினாய்?  ஏனெனில் எந்த காலை தூக்குவது என்பது உன்னுடைய சுகந்திரத்தில் இருந்தது. அதனால் நீ உன் வலது காலை தூக்கினாய்.

பிறகு நான் மற்றொரு காலையும் தூக்கும்படி கூறினேன். அது உன்னால் முடியவில்லை. ஏனென்றால் முதலில் நீ உன் சுகந்திரத்தில் செயல்புரிந்தாய். ஆனால் அடுத்த செயல் உன் கையில் இல்லை. நீ அப்பொழுது கட்டுப்பட்டு இருக்கிறாய். உன் சுகந்திரம் இப்பொழுது வேலை செய்யவில்லை.

ஆகவே மனிதன் பாதி சுகந்திரத்தில் இருக்கிறான். மறுபாதி அந்த சுகந்திரத்தால் கட்டுப்படுத்தப்பட்டு இருக்கிறான் என்றார் சுபி ஞானி. 

முதலில் மனிதன் தன் சுகந்திரத்தில் ஒரு செயலை செய்கிறான். அதன் பின்விளைவு அதுவாகவே நடக்கிறது.

இதுதான் செயலும் விளைவும் கோட்பாடு!