Thani Oruvan

, 🌷புத்தகங்கள் எப்படி மனிதனுக்கு அறிவூட்டுகிறதோ, அது போல பல நல்ல கருத்துக்கள் கொண்ட திரைப்படங்களும் வாழ்விற்கு தேவையான நல்ல கருத்துக்களை எடுத்துச் சொல்லும். தனி ஒருவன் திரைப்படத்தின் கதைக்கரு  என்னை மிகவும் கவர்ந்தது.

🌷நல்லவனுக்கு நல்லது செய்றதுல

வெறும் ஆசை தான் இருக்கும்

கெட்டவனுக்கு கெட்டது செய்றதுல

பேராசை இருக்கும்

என்னைக்கும் ஆசைக்கும் பேராசைக்கும்

நடக்குற போர்ல

ஜெயிக்கிறது பேராசைதான்

தீமை தான் வெல்லும்

என்ன நினைத்தாலும்

தீமை தான் வெல்லும்

எவன் தடுத்தாலும்

🌷இப்படத்தில் இடம்பெறும் சம்பவங்கள் யாவும் கற்பனையே. #நிஜத்தின் #அளவுக்கு #கொடூரமானவை #அல்ல!’ என்று திரைப்படம் தொடங்கும் இடத்தில் வரும் வாசகத்தின் உணர்வை படத்தின் ஒவ்வொரு காட்சியும் உணர்த்துகிறது.

🌷நாம் தினமும் காணும் சம்பவங்களும், கேட்கும் செய்திகளும் ஒன்றுக்கொன்று தொடர்பு கொண்டவையே.

🌷ஒருவன் பிறந்து, அவன் வளர்கின்ற சமூகமும், சூழலும் தான், அவனை நல்லவன் அல்லது தீயவனாகவும் மாற்றுகிறது.

🌷சிந்தாமல் சிதறாமல், சிறு சந்தர்ப்பத்தையும் தனக்குச் சாதகமாகப் பயன்படுத்திக் கொள்ளும் சமார்த்தியசாலி சிறுவன் பழனிச்சாமி. அப்படியொரு சந்தர்ப்பத்தைத் தவறவிடாமல், படித்து, ‘சித்தார்த் அபிமன்யு’ எனும் விஞ்ஞானியாகி, இந்தியாவிலேயே தொழில் தொடங்கி கோடீஸ்வரராகப் பரிணமிக்கிறான். பழனிச்சாமியாக நடித்த சிறுவன், படத்துக்கு அதகளமான ஓப்பனிங் தருகிறான். அதே போலவே, சித்தார்த் அபிமன்யுவாகக் கலக்கியிருக்கும் அரவிந்த் ஸ்வாமி, படத்தை வேறொரு தளத்துக்குக் கொண்டு போய், படத்தை அற்புதமாக முடித்து வைக்கிறார். தமிழ் சினிமாவில் இவ்வளவு அழகான அசத்தலான வில்லன் வந்ததே இல்லையென்றுதான் சொல்ல வேண்டும்

🌷கதையின் நாயகன், படித்து முன்னேறி, சமூகத்தை சீர்திருத்துவதற்காகவே காவல்துறையில் பணிபுரிய விருப்பப்படுகிறார். அதற்காக அவர் மெனக்கெடுகிற காட்சிகள், அதற்காக அவர் செய்கின்ற ஆராய்ச்சிகள் எல்லாம் கதையின் ஆழத்தை உணர்த்துகிறது. தான் வேலையின் சேர்வதற்கு முன்பே தன் குறிக்கோள் என்ன என்பதை தீர்மானித்து, அதில் பயணிக்க தன்னை தயார்படுத்திக் கொள்கிறார்.

அறிவில் சிறந்த இருவர் பற்றிய கதை தான் இது, இருவருக்கும் உள்ள வேறுபாடுகள் அவர்களின் எண்ணங்களும், குறிக்கோள்களும். பணத்திற்காக மனித உயிர்களை பறிக்க எண்ணும் ஒருவரை தேர்ந்தெடுத்து, அவர் பின்னால் பயணித்து, அவர்களின் தலைவனை அழித்தால் எல்லாம் முடிந்துவிடும் என எண்ணி தன் பாதையில் பயணிக்கிறார்.

மற்ற திரைப்படங்களில் காதலை காட்டுவது போல் அல்லாமல், தன் இலட்சியம் தான் முக்கியம், காதல் செய்ய எனக்கு நேரமில்லை, எனத் தெளிவாக கதாநாயகியிடம் எடுத்துக் கூறும் பக்குவம், கதாநாயகனின் நன்னெறிகளையும் உணர்த்துகிறது. தன் குறிக்கோளிற்காக இறுதிவரை போராடும் குணமும், தன் அறிவை சரியான விதத்தில் பயன்படுத்தும் காட்சிகளில் நம்மையும் யோசிக்க வைக்கிறார்.

இறுதியில் எதிர்மறை கதாபாத்திரத்திடம், தன் நோக்கத்தை எடுத்துக் கூறி “உன் உயிரை பறிக்கும் நோக்கம் எனக்கில்லை. உன்னால் நடக்கும் சட்டத்திற்கு புறம்பான செயல்களை தடுப்பதே என் நோக்கம்”, என அவரின் உயிரை காப்பாற்ற நினைப்பது கதாநாயகனின் சுயநலமில்லாத குணத்தை வெளிப்படுத்துகிறது. இருந்தாலும், அவர் செய்த தீவினைகளே எதிர்மறை கதாபாத்திரத்தின் உயிரை எடுக்கிறது, அதுவும் அவரின் மனைவியின் கைகளால்.

இத்திரைப்படத்தின் சில நல்ல கருத்துக்கள்,

படத்துக்கு வசனமும் பெரிய பலம். இயக்குநர் மோகன் ராஜா, எழுத்தாளர் சுபா எழுதியிருக் கிறார்கள்.👌🏼 ‘நல்லது மட்டுமே செய் யணும்னா அது கடவுளாலகூட முடியாது’, 👌🏼👏🏽‘நான் செய்ற குற்றத் துல மிச்சம் வைக்கிறத கண்டு பிடிக்கிறதே அவன்தான்’ 👏🏽என்று அரவிந்த்சாமி பேசும் இடம், ‘😀உனக்காக உயிரைக் கொடுப் பேன்னு ஒரு பேச்சுக்கு சொன் னேன்’ 😀என்று ஜெயம் ரவியிடம் நயன்தாரா பேசும் இடம் 

❤️உன் எதிரி யார் என்று சொல், நீ யார் என்று சொல்கிறேன்.

❤️கெட்டது செய்பவர்கள் வயது, நேரம், காலம் பார்ப்பதில்லை. ஆனால் நல்லது செய்பவர்கள் எல்லாவற்றுக்கும் நல்ல நேரம், காலம், காரணத்திற்காக காத்திருக்கிறான்.

❤️நிதானம் இருந்தால் இழந்தது கிடைத்துவிடும், நிதானத்தையே இழந்தால் இருப்பதும் போய்விடும்.

❤️மக்களின் தலையெழுத்தை தீர்மானிப்பது அரசியல்வாதியாக இருக்கலாம், ஆனால் அந்த அரசியல்வாதியின் தலையெழுத்தை தீர்மானிப்பது வியாபாரிகள் தான்.

❤️உண்மை வெற்றி பெறுவதற்கு தான் ஆதாரம் தேவை, பொய் வெற்றி பெற குழப்பமே போதும்.

இறுதியில் ஒரு ஆகச் சிறந்த கருத்து, உண்மையில் இது எதிர்மறை கதாபாத்திரம் கூறும் வசனம்.

“❤️வாழ்க்கையில் ஒரு எண்ணத்தை எடுத்துக்கொள், அதையே உன் வாழ்க்கையாக மாற்று, அதைப் பற்றி யோசி”.❤️

இது சுவாமி விவேகானந்தர் பொன்மொழிகளில் இருந்து தழுவியது, அதையே கதாநாயகன் தன் கொள்கையாக எடுத்துக் கொண்டு, எதிரியை வீழ்த்துவதே சாமர்த்தியமான திரைக்கதை.

இந்த திரைப்படம் முழுவதும் தீய எண்ணங்களை நல்ல எண்ணங்கள் எவ்வாறு வெற்றி கொள்கிறது, என்பது போல காட்சிப் படுத்தியிருப்பார்கள். 

தீமை அவ்வபோது வென்று நல்லவர்களை நிலைகுலையச் செய்தாலும், #இறுதியில் #தர்மமே #வெல்லும் என்பதே முடிவு !

Source : World movies Museum| FB